Trandalgenser Barn

Eit mønster med røter i Trandal

Trandal ligg på solsida av den storslåtte Hjørundfjorden. Gjennom dei siste tiåra har den vesle bygda utvikla seg frå ei veglaus jordbruksbygd til ein særmerkt destinasjon for musikk, natur og gode opplevingar.

Historia til Christian Gaard Bygdetun er ein viktig del av denne utviklinga. Frank Storeide og kona Toril byrja å byggje opp garden i 1999, og gjorde han til ein levande møtestad med servering, overnatting og arrangement. I dag er det borna Lenita og Daniel som driv Christian Gaard vidare.

Musikken har òg gjort Trandal kjend langt utanfor bygda. Her finn du festivalane Trandalrock, Trandalblues og Trandal Countryfestival – med fjorden, dei bratte fjella og den kjende reia som ei heilt særmerkt ramme.

Inspirert av oldemor Henninge

Mønsteret er designa av Hjørundfjordstrikk ved Marita Bett Aakre. Inspirasjonen kjem frå ein vevnad som heng i gamlestova på Christian Gaard. Han vart laga av Henninge Karoline Andersdatter Haukås (1890–1975), oldemor til dagens drivarar, Lenita og Daniel.

Lenita Beate Storeide har valt fargane, og denne fargevarianten har fått namnet Country.

DESIGN
Hjørundfjordstrikk v/ Marita Bett Aakre

GARN
Rauma Tumi, 50 % ull og 50 % alpakka = ca. 130 m

STORLEIK
1-2 år - 4 år - 6 år - 8 år - 10 år - 12 år

MÅL
Overvidde: 59 - 65 - 70 - 75 – 81 - 86 cm
Lengde: 36 - 41 - 43 - 47 - 51 - 55 cm
Lengde underarm: ca. 20 - 26 - 32 - 35 - 40 - 46 cm

Ekstra: Mønster til hals er med!